iha Tetun!

Saida mak Timor Detour?

Timor Detour 2019 hanesan eventu bisikleta desportu nian iha Timor-Leste nia foho laran. Eventu ida ne'e hala'o durante loron nein, husi loron 23 Junho to'o 28 Junho 2019.

Fulan Junho iha Timor iha klima kapaas los tamba udan para ona no rai Timor iha ai-horis barak. Partisipante sira atu sai too metru 1000 ne'ebe klima mak fresku tebe-tebes.

Eventu ida ne'e iha dalan rua: defisil no defisil liu.

Eventu ida ne'e iha dalan rua ne'ebe partisipante sira bele sai:

KAPAAS
Ema ida ne'ebe forte no halo raga barak bele tuir dalan ne'e. Dalaruma, durante loron ida, partisipante sira sai bisikleta maizoumenus kilometru 85 no sai foho maizoumenus metru 1500. Dalan ida ne'e tuir estrada, maibe dalaruma ita bo'ot bele tu'un sai iha dalan korta. Partisipante sira bele buka ajuda lalais tamba ema sira no kiosk sira besik hela. Ema ne'ebe ladu'un sai bisikleta hanesan desportu bele tuir maibe tenki hahu treinu ona!
MAKAAS
Ema ida ne'ebe iha talentu bisikleta diak bele tuir dalan ida ne'e. Ita bo'ot tenki treinu barak tamba eventu ida ne'e defisil liu eventu hotu-hotu iha Timor. Durante loron ida partisipante sira sai bisikleta kilometru 120 ka tan naruk no sai foho maizoumenus metro 3500. Bainbain dalan ida ne'e la tuir estrada. Dalan ida ne'e iha dalan korta deit. Dalaruma partisipante sira tenki lori sira nia bisikleta bainhira dalan korta a'at demais ka iha fatuk barak.

Eventu ida ne'e mak "Minimum Viable Race"

Ami halo eventu ida ne'e hanesan "Minimum Viable Race." Sentimentu ida ne'e hanesan la'os bo'ot ka especial maibe simples de'it. Ami voluntariu sira halo simples de'it tamba tempu, osan, no ema la to'o.

Modelu ne'e diak tamba:

  1. Partisipante sira selu osan ki'ik de'it. Maizoumenus $185 ba ema ida ne'ebe ema malae, no gratis ba ema ida ne'ebe ema Timor.
  2. Osan hotu ba to'o eventu. Osan la ba to'o ema organizador sira.
  3. Dalan sira kapaas los, bele ba to'o fatin balu ita bo'ot seidauk hare'e.
  4. Bele halibur ema malae no ema Timor sai hamutuk.
  5. Bele buka dalan pas, hanesan dalan ne'ebe tuir ita bo'ot-nia kapasidade.
  6. Karik partisipante sira sai "makaas" ka "kapaas," sira hotu bele tama no sae hamutuk.

"Minimum Viable Race" ne'e mos dehan:

  1. Ita bo'ot tenki iha responsibilidade rasik kuidadu ita bo'ot-nia saude.
  2. Osan manan la iha atu fo malae sira. Maibe osan manan ki'ik no sasan iha atu fo ema Timor sira.
  3. "Sponsor" sira la iha, la iha ropa ka sasan gratis.
  4. Trek bo'ot ne'ebe bele tuir partisipante sira la iha. Partisipante sira tenki ba neneik oituan no haree dalan.
  5. Ami labele hatudu dalan durante eventu hala'o. Ema ida-ida tenki uja sira nia telefone no mapamentu digital. Ami bele fo mapamentu ba partisipante hotu antes eventu hala'o no mos fo treinamentu ida konaba oinsa ita bo'ot sira bele uja mapa ne'e. Karik ita bo'ot seidauk sai dalan sira ne'ebe eventu atu uja, ita bo'ot tenki pratika antes eventu hala'o, nepar ita bo'ot bele hatene duni dalan ida ne'e.

Ami fo saida?

  1. Fatin bele toba (tender).
  2. Be'e hemu no fase bisikleta nian.
  3. Hahan matabixu no kalan nian.
  4. Transportasaun seguru ba ita bo'ot-nia pasta no sasan.
  5. GPX/KML (mapa digital).
  6. Hadian ema Timor sira-nia bisikleta (karik ita bo'ot iha interese iha oportunidade ida ne'e, ita bo'ot tenki tuir treinamentu rua).
  7. Buka tempu.
  8. Orsamentu klaru.
  9. Osan manan bele ba to'o ema Timor nain rua ne'ebe manan eventu ida ne'e, mane ida no feto ida.

Karik ita bo'ot hakarak sai Timor Detour 2019, ita bo'ot tenki fo hatene lalais. Ami lakohi ema dehan sira bele tuir eventu, maibe bainhira fulan Junho mai no eventu hahu, sira la tuir ida. Ami husu ema Timor fo $20 bainhira sira halo rejistrasaun. Se karik sira ba eventu hotu, ami fo osan ba fila fali. Sistema ida ne'e ajuda ami halo preparasaun ba numeru ema ne'ebe tuir eventu.

Karik ema Timor hakarak ami ajuda hadian sira nia bisikleta, sira tenki tuir treinamentu rua. Ida konaba oinsa uja mapa digital, no ida konaba oinsa hadian ita bo'ot-nia bisikleta iha dalan. Depois, abanbainrua, ita bo'ot bele hatudu mekaniku ida ita bo'ot-nia bisikleta no ita bo'ot nain rua bele buka solusaun hamutuk. Ami-nia apoiu hadian bisikleta la ba to'o $50 ba ema ida. Ami bele fo hatene konaba loron no tempu treinamentu sira rua iha futuru!

Karik ita bo'ot gosta ideia ida ne'e no hakarak sai hamutuk, halo registrasaun! Contactu "Timor Detour" iha Facebook. Obrigadu!